Ролевы экшн пра сталкераў Chernobylite 2 ужо хутка з'явіцца ў раннім доступе.

Галоўны герой Chernobylite 2, былы ваенны Коўл Грэй, жыве ў свеце, дзе эканоміка і прамысловасць залежаць ад рэчыва пад назвай чарнабыліт. Дзякуючы яму чалавецтва дамаглося каласальных поспехаў, але прагрэс выкінуў людзей, накшталт Коўла, на задворкі грамадства. Каб пракарміць сваіх блізкіх, ён бярэцца за небяспечную працу – падарожнічаць па іншых вымярэннях і збіраць рэдкі мінерал. У выніку пратаганіст аказваецца замкнёны ў Чарнобыльскай зоне адчужэння і сустракае загадкавага Чорнага Сталкера.

Вам трэба будзе даследаваць шырокі і праўдападобны адкрыты свет. Заяўлены прастор для адыгрышу – напрыклад, вы вольныя стаць магутным салдатам бліжняга бою, які ўсіх запалохвае, або красамоўным снайперам. Вырашаць праблемы можна не толькі ў гутарках і бойках — дапускаецца і стэлс. Акрамя таго, у адзіночную кампанію ўбудаваныя кааператыўныя анлайн-місіі.

Яшчэ адзін геймплейный элемент Chernobylite 2 – кіраванне базай. Там вы будзеце ствараць каштоўныя прадметы і мадэрнізаваць зброю. Саюзнікам можна раздаваць даручэнні, каб яны сачылі за вашым рыштункам і прыпасамі.

The Farm 51 працягвае збор сродкаў на распрацоўку Chernobylite 2 праз Kickstarter. Прама зараз сабралі амаль у два разы болей за запатрабаваныя 95к еўра. 

Студыя The Farm 51 паведаміла, што ролевы экнш Chernobylite 2: Exclusion Zone з’явіцца ў раннім доступе Steam ужо 6 сакавіка, у тым ліку ў Беларусі. Поўная версія з’явіцца і на кансолях.