Агляды і дата рэліза новай Elden Ring Nightreign.

Выйшлі першыя агляды Elden Ring Nightreign, а таксама трэйлер з датай рэліза - 30 мая 2025. 

Адначасова з анонсам даты рэліза з'явіліся папярэднія агляды кааператыўнай экшн-рпг. Па словах аглядальнікаў, Nightreign прапануе ўнікальны погляд на Elden Ring, прытрымліваючыся асноўнай формулы FromSoftware.

Гульня прапануе займальныя бітвы са складанымі босамі, дынамічны геймплэй з пашыранымі тактычнымі магчымасцямі і разнастайнасць класаў, якая дадае ў геймплэй больш глыбіні.

Nightreign стала больш дынамічнай у параўнанні з Elden Ring. З'явіліся  роўглайк-механікі, якія падахвочваюць гульцоў хутка адаптавацца пад зменлівую сітуацыю і кожны раз па-іншаму паляпшаць сваіх персанажаў. Гэта надае высокую паўторную гулябельнасць.

Часам адбываюцца пацешныя або нават камічныя моманты, што таксама дадае разнастайнасці і робіць геймплэй незвычайным для серыі. Напрыклад, босы таксама будуць з'яўляцца ў нечаканых месцах і ў самы нязручны час. 

Elden Ring Nightreign можна прайсці ў адзіночку, але гэта значна складаней, чым у групе, адзначыў аўтар выдання GamesRadar. Яшчэ адным мінусам аглядальнік назваў тое, што некаторая здабыча можа быць зусім бескарыснай, і гэта расчароўвае. Імаверна, што ў будучыні распрацоўшчыкі ўнясуць змены.

Журналісты назвалі Nightreign вельмі напружанай гульнёй. Калі надыходзіць ноч, неабходна дабрацца да бяспечнай зоны альбо пазмагацца з асабліва жорсткімі босамі.

Аўтары папярэдніх аглядаў сышліся ў меркаванні, што механікі роўглайк і “каралеўскай бітвы” ідэальна падышлі да асноўнай формулы Elden Ring. У выніку аб'яднання гэтых сістэм атрымалася адначасова добра знаёмая, але цалкам унікальная гульня.

У выданне Polygon падсумавалі, што Nightreign дакладна спадабаецца фанатам серыі, якія правядуць у гульні не адну сотню гадзін. Праўда, некаторыя журналісты адзначылі, што ў абмежаванай папярэдняй версіі было не так шмат кантэнту.

Elden Ring Nightreign выходзіць 30 мая 2025 года на ПК і кансолях. У Беларусі даступна за 26 $. Іншыя рэгіёны: 40€, 170zł і 1200₴.